Փոխվարչապետ Մհեր Գրիգորյանն ու ԱՄՆ դեսպան Քրիստինա Քվինը քննարկել են տարածաշրջանային զարգացումները:
Ըստ կառավարության հաղորդագրության՝ հանդիպման ընթացքում նրանք խոսել են տարածաշրջանում հաղորդակցությունների ապաշրջափակման հնարավորությունների մասին:
Համաձայն վերջին հաղորդումների՝ ԱՄՆ-ն Հայաստանին առաջարկել է վարձակալել Սյունիքով դեպի Նախիջևան ճանապարհը:
Հայաստանի վարչապետն իր ասուլիսում հաստատել էր, որ ապաշրջափակման քննարկվող հիմնական տարբերակն ամերիկյան առաջարկն է, բայց և նշել, որ վերջնական համաձայնություն Սյունիքով անցնող ճանապարհի շուրջ, որն Ադրբեջանն անվանում է «Զանգեզուրի միջանցք», չկա:
ԱՄՆ նախագահն էլ ավելի վաղ ասել էր, որ իր տպավորությամբ Հայաստանի և Ադրբեջանի հակամարտությունը մոտենում է հաջող հանգուցալուծմանը:
